Itinaas na ang state of calamity sa lalawigan ng Batangas matapos yanigin ng magnitude 5.5 na lindol Martes ng gabi (Abril 4).
Ipinatutupad na ang price freeze sa mga pangunahing bilihin sa lugar, at maaari na ring gamitin ng lokal na pamahalaan ang emergency funds ng lalawigan.
Paunang dalawang daang sako ng semento na ang nakatakdang ibigay ng batangas provincial government sa tingloy para sa pagpapaayos ng mga pinsala.
Isang milyong piso naman ang inilaan para sa napinsalang taal basilica para sa maisaayos ang national historical landmark.
Kabilang din sa nasalanta ng pagyanig ang kapitolyo ng batangas na tinatayang nasa labing-anim na milyong piso ang nasira, ayon kay Provincial Engineer Gilbert Gatdula.
Patuloy naman ang assessment na isinasagawa ng mga otoridad sa Batangas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.