Nasakote ng pinagsanib na pwersa ng CIDG Anti-transnational Crime Unit, Bureau of Immigration at QCPD ang isang Korean national na umano’y wanted sa Korea dahil sa patung-patong na kasong pang-aabusong sexual at maltreatment.
Ayon kay Supt. Roque Merdeguia, hepe ng CIDG-ATCU, halos walong taon nagtago sa batas ang puganteng Koreano nakilalang si Seo Inho, 53 yo at residente ng New Capitol Estate 1 sa QC.
Isinagawa ng CIDG ang operasyon matapos makatanggap ng sumbong mula sa Korean Police Desk sa pinagtataguan ni Seo Inho.
Agad na nakipag-ugnayan ang CIDG sa Philippine Center on Transnational Crime kung saan napag-alaman na mayroon pala itong Interpol Red Notice.
Sa nabanggit na red notice, lumalabas na si Inho ay napatunayan ng hukuman sa Korea na nagkasala sa pang-aabusong sexual at maltreatment na nahatulang mabilanggo ng 2 taon at 6 na buwan.
Agad na dinala sa tanggapan ng CIDG sa Kampo Crame si Inho para sa mas masusing imbestigasyon at agad na maiproseso ang deportation.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.