Ospital ng Maynila, handa na sa mga sakit ngayong summer season

Preparado na ang Ospital ng Maynila o OsMa sa mga sakit na may kaugnayan ngayong summer season partikular na ang heatstroke.

Ayon kay Dra. Rachell Marinas, Director ng OsMa kabilang sa kanilang ginagawa para maiiwas ang mga manileno sa nakamamatay na heatsroke ay ang pamimigay ng mga flyers.

Ito ay para malaman ng publiko ang simptomas ng heatstorke at kung ano ang dapat gawin kung makaramdam nito.

Nakahanda na rin ang emergency room ng OsMa Kung sakaling dumagsa ang mga pasyente na may heatstroke.

Maliban dito ay nagsasagawa din ng lecture ang mga kawani ng ospital sa mga out patients para matiyak na makakaiwas ang mga ito sa nabanggit na sakit.