NBI, nasabat ang aabot sa P100M halaga ng shabu at mga baril sa Tondo

Hindi bababa sa 100 milyong pisong halaga ng shabu at ilang baril ang nasabat mula sa dalawang hinihinalang drug couriers sa Tondo, Maynila

Inaresto ang dalawang hindi pa pinapangalanang mga suspek ng mga operatiba ng National Bureau of Investigation (NBI) sa isinagawang operasyon sa Zaragosa at Moriones street sa Tondo.

Ayon sa NBI, ang naturang mga suspek ay miyembro ng drug syndicate operation sa Metro Manila.

Narekober ng NBI ang nasa 24 pakete ng shabu mula sa sasakyan ng mga suspek at ang 20 ibat ibang mga baril kabilang ang M-16 rifles, .45 at .38 pistols.

Patuloy na inimbestigahan ng mga otoridad para matukoy ang kinaroroonan ng iba pang miyembro ng nasabing grupo dahil sinasabing ide-deliver sana ang mga nasabat na droga at shabu sa Barangay Datu Esmael sa Dasmariñas, Cavite.