5 lalaking pinangtataya ang shabu sa cara y cruz, arestado sa Cubao
Unang inakala ng mga pulis ng Quezon City Police District Station 7 na simpleng cara y cruz lamang ang dahilan kung bakit nila aarestuhin ang limang kalalakihan sa Barrio Panopio, Brgy. Kaunlaran sa Cubao, Quezon City.
Pero nang kapkapan ang limang suspek, dalawa sa kanila ay nakuhanan ng dalawang bulto ng hinihinalang shabu na may bigat na mahigit 10 gramo na nagkakahalaga ng P25,000.
Napagalaman din nila na apat sa mga naaresto ay nasa drug watch list na Sina Robert Plan alyas Jun, Mac Leo Lumibao, Feliteo Liwag, Dexter Bitasolo, habang sumuko naman sa oplan tokhang si Mark Oliver Inolva.
Ayon kay Supt, Luis Benjie Trimoro, ang hepe ng QCPD Station 7, isang concerned citizen ang tumimbre sa kanila kaugnay ng ginagawang cara cruz sa lugar.
Sinabi pa ni Trimoro na ginawa ding pantaya ang shabu sa cara y cruz.
Bukod sa iligal na droga nakuha rin ang cash na P3,750 at dalawang cell phone.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.