1,600 special permits sa mga bus aprubado na ng LTFRB
Inaprubahan na ng Land Transportation Franchising and Regulatory Board ang aplikasyon para sa special permit ng 1,600 ng mga dagdag na byahe ngayong semana santa.
Sinabi ni LTFRB Chairman Martin Delgra, ang pagbibigay ng special permit ay upang makadagdag ng byahe ng mga bus para sa mga uuwing bakasyunista sa ibat-ibang probinsya.
Layunin nito na may sapat na bilang ng mga pampasaherong bus sa mga dadagsang pasahero sa mga terminal.
Simula sa susunod na linggo ay maglalagay naman ng mga assistance desk ang LTFRB sa mga bus terminal upang umagapay sa mga byahero.
Pinaalalahan naman ng LTFRB ang mga pasahero na walang pagtaas sa pamasahe habang dapat pairalin ng mga bus company ang diskwento sa senior citizen, may kapansanan at mga estudyante.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.