Arestado ang isang barangay chairperson, matapos mahulihan ng shabu sa kaniyang tahanan sa Mabini Street, Ormoc City, sa Leyte.
Narekober ng mga miyembro ng City Drug Enforcement Unit ng Ormoc City Police ang dalawang plastic sachet ng shabu mula sa bahay ni District 4 Chairperson Josela Dumaguit.
Inihahanda na ang kasong paglabag sa Comprehensive Dangerous Drugs Act laban kay Dumaguit na sa ngayon ay nakakulong na sa Ormoc Police Station 1.
Sinalakay ng pulisya ang bahay ni Dumaguit, dahil itinuturing itong high-value target na pangalawa sa kanilang drug list.
Narekober din sa bahay ang isang revolver na may tatlong bala at isang fragmentation grenade.
Gayunman, iginiit ni Dumaguit na itinanim lang ng mga awtoridad ang mga nasabing shabu na natagpuan sa kaniyang bahay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.