Pres. Duterte tiniyak na hindi lulusot ang impeachment laban sa akin-Robredo
Personal umanong tiniyak ni Pangulong Rodrigo Duterte kay Vice President Leni Robredo na hindi niya hahayaang matuloy ang impeachment complaint laban sa bise presidente.
Ayon mismo kay Vice President Robredo, personal na binanggit sa kanya ni Pangulong Duterte ang katiyakan sa kanilang paghaharap sa graduation ceremonies ng PNP Academy noong nakaraang Byernes.
Sa ambush interview ng mga mamamahayag sa St. Paul University sa Quezon City, ipinaliwanag ni Robredo na mismong ang pangulo ang nagtiyak na hindi niya papayagan ang impeachment.
Paliwanag pa aniya ng pangulo, wala pa sila sa isang taon sa puwesto kaya’t dapat na tutukan muna nila ang pagtatrabaho.
Tiniyak naman aniya niya kay pangulong Duterte na wala siyang kinalaman sa inihaing impeachment complaint laban sa pangulo.
Kinumpirma rin ni Robredo na personal siyang inimbitahan ni Pangulong Duterte upang makipaghapunan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.