Rollback sa presyo ng diesel at kerosene, ipatutupad ngayong araw

Magpapatupad ng bahagyang pagbaba sa presyo ng kanilang produktong diesel at kerosene ang mga kumpanya ng langis ngayong araw, March 28, 2017.

Sa kanilang anunsyo, magkakaltas ng 25 centavos sa halaga ng kada litro ng diesel ang mga kumpanyang Total, Jetti, Eastern, Petron, Unioil, PTT, Total, Phoenix, at Shell simula alas-6:00 ng umaga, habang nauna nang magpatupad ang SeaOil at Flying V kaninang 12:01 ng hatinggabi.

Magbabawas naman ng 15 centavos sa halaga ng kada litro ng kanilang kerosene ang Petron, SeaOil, Flying V, at Shell.

Ito na ang ika-limang sunud-sunod na linggo ng pagpapatupad ng rollback ng mga kumpanya ng langis.