Drug runner, patay sa pananambang sa Caloocan City

Patay matapos barilin ng riding-in-tandem ang diumanoy runner ng droga sa Brgy Nueve, Caloocan City.

Kinilala ng mga otoridad ang biktima na si Marvin Tambalo, Trenta anyos.

Ayon sa kapitan ng Brgy. na si Leandro Binuya, nangyari ang insidente pasado alas dos ng madaling araw.

Bigla na lamang umanong sumulpot ang mga suspek lulan ng motorsiklo na pawang naka-helmet at pinaputukan ng anim na beses ang biktima saka tumakas.

Naisugod pa sa pagamutan si Tambalo subalit hindi na ito umabot pa ng buhay.

Kilala umanong runner ng droga ang biktima ayon sa kapitan.