Tatalakayin ni Pangulong Rodrigo Duterte sa labas ng bansa ang probelma sa ilegal na droga.
Nabatid na droga at usapin sa terorismo ang ilan lamang sa mga matatalakay nina Pangulong Rodrigo Duterte at ni Thai Prime Minister Prayut Chan-O-Cha ngayong araw.
Ayon kay Thailand Government Deputy Spokesperson Werachon Sukond-hapatipak, nakalinya ang mga security-related issues sa mga high agenda ng dalawang lider.
Kabilang nga dito ang drug suppression, pagpapa-igting ng kooperasyon sa mga anti-drug intelligence agencies ng dalawang bansa tulad ng Philippine Drug Enforcement Agency o PDEA at ang Thailand Office of Narcotics Control Board (ONCB).
Bukod pa rito, inaasahang mapaguusapan din nina Duterte at Chan O-cha ang pagresolba sa problema ng terorismo sa Mindanao na sa kasalukuyan ay pugad ng mga armadong grupo tulad ng Abu Sayyaf.
Samantala, bukod sa mga usapang pang-seguridad, lalagdaan din ng dalawang bansa ang mga kasunduan pang ekonomiya tulad ng isang 5-year cooperation program sa turismo at kooperasyon sa swamp and dairy production.