Mga oil companies may price rollback bukas

Magro-rollback muli ang mga kumpanya ng langis umpisa bukas ng umaga.

Magpapatupad ng tapyas presyo ang Flying V, Petron at Seaoil  epektibo 12:01 ng Martes, Marso 21, 2017.

Babawasan nila ng P0.80 sentimos kada litro ang gasolina, P1.10 sa diesel at P1.20 bawat litro sa tinda nilang kerosene.

Naghayag na rin ng kaparehong rollback ang Pilipinas Shell, Total, Eastern, Jetti at Phoenix Petroleum simula 6:00 ng umaga bukas.

Ito na ang ikatlong price rollback para sa mga produktong petrolyo sa buwang kasalukuyan.

Ang pag-galaw sa presyo ng mga oil products ay may kaugnayan sa pagbaba ng halaga nito sa world market ayon sa isang insiders sa industriya.