Ipinagdiriwang ngayong araw ng administration party na PDP-Laban ang kanilang ika-tatlumpu’t limang anibersaryo.
Sa taong ito, ang tema ng kanilang anibersaryo ay ‘No to Drugs, Yes to Federalism.’
Ito ay hango sa kampanya ng Duterte administration laban sa ilegal na droga, at pagsusulong ng pagpapalit ng sistema ng gobyerno tungo sa pederalismo.
Ilang aktibidad ang isinagawa mula kaninang umaga at may isang concert sa PICC grounds sa Pasay City ngayong gabi kung saan inaabangan ang pagdating ni Pangulong Rodrigo Duterte.
Dumalo sa pagtitipon ang mga opisyal at miyembro ng PDP-Laban sa pangunguna nina Senate President Koko Pimentel at House Speaker Pantaleon Alvarez.
Pinangunahan ng dalawang lider ang mass oathtaking para sa mga bagong miyembro ng PDP-Laban.