Passport renewal ni dating DFA Sec. Yasay, nakabinbin

By Rohanisa Abbas March 11, 2017 - 06:07 PM

yasay-0628Hindi muna ipinroseso ng Department of Foreign Affairs (DFA) ang application ni dating DFA Secretary Perfecto Yasay Jr. para sa renewal ng kanyang pasaporte.

Ito ay makaraang ipag-utos ni acting DFA secretary Enrique Manalo na suspindehin muna ang pag-iisyu ng pasaporte kay Yasay habang nakabinbin ang resolution na kumukwestyon sa citizenship ng dating kalihim.

Kinumpirma ito ni Assistant Secreatry for Consular Affairs Frank Cimafranca.

Sinabi naman ni Yasay na lingid ito sa kanyang kaalaman dahil hindi ito ipinagbigay-alam sa kanya.

Inihain ni Yasay ang renewal ng kanyang pasaporte noong March 9, makalipas ibasura ng Commission on Appointments ang pagkakatalaga sa kanya bilang kalihim ng DFA. Ito ay buhat ng kanyang pagsisinungaling sa kanyang US citizenship. / Rohanisa Abbas

TAGS: DFA, Foreign Affairs secretary, passport, Perfecto Yasay, DFA, Foreign Affairs secretary, passport, Perfecto Yasay

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.