Nasawi ang isang bigtime pusher sa Davao city makaraang manlaban sa isang entrapment operation ng Philippine Drug Enforcement Agency (PDEA)
Ayon kay PDEA Director General Isidro S. Lapeña ang suspek na si Abdul Panda Sandy na kabilang sa drug watchlist ng Davao Region ay nabatid na nagtangkang tumakas at nakipagbarilan sa mga aaresto ditong ahente ng PDEA.
Ayon Lapeña, ang nasabing operasyon ay isinagawa ng Regional Office 11 (PDEA11) sa ilalim ni Director Adzhar Albani sa Purok Sta. Ana, Barangay Indangan, Buhangin District, Davao City.
Ang operasyon ay nagresulta sa pagkaka-kumpiska ng 25 gramo ng shabu na may street value na P375,000 at isang kalibre 45 pistola na puno ng bala na ginamit nito sa pakikipagbarilan sa mga operatiba ng PDEA.