Nakilala ang dalawa na sina Eduardo Jun Torrico, 51-anyos at Arnold Otico, 35-anyos.
Ayon sa Station Drugs Enforcement Team o SDET ng QCPD Station10, pauwi na ang kanilang tropa nang madatnan ang dalawang suspek sa tapat ng isang kubol sa nabanggit na lugar, at bigla umanong nagpulasan ang dalawa kaya’t hinabol ng mga operatiba.
Agad namang nakorner ng mga otoridad ang mga suspek kung saan pasimple pang itinapon ni Torrico sa ilalim ng nakaparadang sasakyan ang isang sachet ng shabu, ngunit nakita ito ng mga operatiba.
Nakuha naman sa loob ng kubol na pag-aari ni Otico ang ilang drug paraphernalia.
Mariin naman itinaggi ng dalawa ang paratang sa kanila.
Sumuko na umano sa Oplan Tokhang ang mga suspek subalit patuloy pa rin sa iligal na gawain.
Sa ngayon ay nasa kostudiya na ng QCPD Station 10 ang dalawa na nahaharap sa kasong paglabag sa RA 9165.