38 bangkay natagpuan na sa crash site sa Papua Province sa Indonesia
Narating na ng Search and Rescue Team ang eksaktong crash site kung saan bumagsak ang isang Indonesian Airline kamakalawa.
Tatlumpu’t walong bangkay ang nakita ng mga rescue and retrieval teams na nakarating sa crash site.
Natukoy ang pinagbagsakan ng Trigana Air sa sa itaas ng bulubunduking bahagi ng Papua Province na may taas na 2,600 meters.
Sakay ng Trigana Air ang 54 katao na kinabinilangan ng 44 adults, limang mga bata at limang crew ng naturang eroplano.
Sinabi ni Bambang Soelistyo, spokesman ng Indonesian Rescue Team na malakas pa rin ang pag-ulan sa lugar kaya hirap umakyat sa mismong crash site ang kanilang mga tauhan.
Galing ng Jayapura Airport ang naturang eroplano papunta sa lalawigan ng Oksibil malapit sa boundary ng Indonesia at Papua New Guinea nang biglang mawala sa radar ang Trigana Air.
Sa record naman ng Global Aviation Industry website na FlightGlobal, ang naganap na plane crash ang ikawalong insidente na kinasasangkutan ng Trigana Air mula noong 1992. / Den Macaranas
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.