MRT nakaranas ng dalawang magkasunod na aberya
Dalawang beses na nagka-aberya ang biyahe ng Metro Rail Transit (MRT) sa kasagsagan ng rush hour, Martes ng umaga.
Sa abiso sa twitter account, unang naganap ang aberya alas 6:17 ng umaga sa southbound ng Shaw Boulevard station.
Pinababa ang mga pasahero ng isang tren matapos itong makaranas ng technical problem.
Agad nasundan ang naturang aberya, matapos na magpababa muli ng mga pasahero sa bahagi ng Santolan Anapolis station northbound.
Naganap ang ikalawang aberya alas 7:12 naman ng umaga kung saan marami sa mga pasahero ay papasok sa kanilang mga trabaho.
Technical problem din ang sinabing dahilan ng MRT sa ikalawang naranasang aberya sa biyahe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.