Malacañang: Hindi kami nakikialam sa trabaho ng Senado
Hindi na bago sa Malacañang ang pagkakasibak kay Senador franklin Drilon bilang Senate President Pro Tempore’ at pagkakatanggal ng ilang miyembro ng Liberal Party sa kani-kanilang committee chairmanships.
Paliwanag ni Presidential Spokesman Ernesto Abella, nangyayari ang rigodon sa kada kongreso.
Nirerespeto aniya ng malakanyang ang kalayaan ng Senado.
Majority rules aniya ang nangyari kahapon at hindi nakialam ang Malacañang dito.
Iginiit pa ni Abella, kailanman, hindi makikisawsaw ang pamahalaan sa internal na gawain ng senado.
Bukod kay Drilon, natanggal din ang LP Senators na sina Bam Aquino bilang Chairman ng Senate Committee on Education, Kiko Pangilinan bilang Chairman ng Senate Committee on Agriculture at ang kaalyadong si Risa Hontiveros bilang Chairman ng Senate Committee on Health.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.