Simbahan pumalag sa pamumugot ng Abu Sayyaf sa kanilang buhag

Kinundena ng Simbahang Katolika ang ginawang pamumugot ng Abu Sayyaf sa kanilang bihag na German national noong nakalipas na Linggo ng hapon.

Sinabi ni Ozamiz Archbishop Martin Jumoad na isa itong malungkot na panahon para sa mga taong inirerespeto ang kahalagahan ng buhay.

Kinuwestyon ng Arsobispo kung naniniwala pa ba sa Diyos ang mga ito o tanging pera na lamang ang sinasamba nila.

Umaasa aniya sila na hahabulin ng militar ang teroristang grupo at ipapatupad ang batas.

Matatandaang dinukot ang German National na si Jurgen Kantner at kaniyang asawa noong Nobyembre at pinugutan ng ulo noong Linggo makaraang mabigong magbayad ng P30 Million na halaga ng ransom.