Pagpugot ng Abu Sayyaf sa ulo ng bihag na German, kinumpirma ng PNP
Kinumpirma mismo ni Philippine National Police (PNP) director general Ronald Dela Rosa na napugutan na nga ng ulo ng Abu Sayyaf ang bihag nilang German national.
Ayon kay Dela Rosa, ito ay base umano sa intelligence report na nakalap ng PNP sa Sulu.
Pero nilinaw ni Dela Rosa na base lamang ito sa intelligence report na natanggap niya kahapon at hinihintay pa ang investigation report ng insidente.
Magkaiba umano ang intel report at investigation report kung kaya sa ngayon ay patuloy ang pag-validate sa impormasyon ng pagpugot ng ulo sa Aleman.
Napaso ang deadline na itinakda ng ASG para sa pagbabayad ng P30M ransom para sa pagpapalaya sa bihag na dayuhan.
Ang AFP at si Presidential Adviser on the Peace Process Jesus Dureza ay bigo pang kumpirmahin ang nasabing ulat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.