MRT, nagka-aberya na naman

Nagka-aberya ang operasyon ng Metro Rail Transit o MRT Line 3, kaninang umaga (February 26).

Ayon sa MRT3, pansamantalang naantala ang biyahe ng tren dahil sa problema sa riles sa bahagi ng Ayala hanggang Magallanes South bound na nag-umpisa dakong 6:03 ng umaga.

Hindi naabisuhan ang mga pasahero, kaya nairita ang mga ito.

Naibalik ang normal na operasyon ng MRT3 pasado 6:34 ng umaga.

Humingi naman ng paumanhin ang pamunuan ng MRT3.