Personal na nagpahatid ng suporta sa mga dumadalo sa People Power anniversary sa EDSA si Vice President Leni Robredo.
Sinabi ni Robredo na mas kailangang maging mapagbantay ang sambayanan para matiyak na hindi na muling maibabalik sa bansa ang Martial Law.
Ipinaliwanag ni Robredo na mahalagang pangalagaan ng sambayanan ang naging matagumpay na pagpapatalsik sa diktadurya may 31 taon na ang nakalilipas.
Si Robredo ay kaagad na sinalubong ng kanyang mga tagasuporta nang siyang dumating sa panulukan ng EDSA at White Plains na siyang sentro ng kanilang pagtitipon.
Tulad ni dating Pangulong Noynoy Aquino, sinabi ni Robredo na hindi na siya magsasalita sa entablado.
Vice President Leni Robredo, dumating na sa People Power Monument. pic.twitter.com/uQPOXAWRCO
— albar (@albarmarch22) February 25, 2017