De Lima, naisailalim na sa booking process; dinala sa Muntinlupa RTC
Kinumpirma ni Dinagat Islands, Lone District Rep. Kaka Bag-ao na natapos na ang booking process kay Senator Leila De Lima sa Camp Crame.
Sinamahan ni Bag-ao at ni Senator Kiko Pangilinan si De Lima sa loob ng tanggapan ng PNP-Criminal Investigation and Detection Group (CIDG) kung saan ito dinala matapos sumuko sa mga otoridad.
Ayon kay Bag-ao, gaya ng normal na mga inaaresto, sumailalim sa proseso ng booking ang senadora.
Naisailalim na din aniya sa medical check-up si De Lima at maayos naman ang kondisyon nito.
Sinabi naman ni Pangilinan na nakapag-almusal na din si De Lima sa loob ng PNP-CIDG.
Pasado alas 10:00 ng umaga nang muling isakay sa coaster si De Lima para dalhin naman sa Muntinlupa Regional Trial Court (RTC) para sa return ng warrant.
JUST IN: Coaster bearing De Lima leaves Camp Crame. Police convoy now heading to Muntinlupa RTC. @inquirerdotnet pic.twitter.com/3q1cEhGCws
— Julliane de Jesus (@JLDejesusINQ) February 24, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.