2 pang fighter jets ng Pilipinas, darating ngayong araw

 

Dalawa pang fighter jet na binili ng Philippine Air Force sa South Korea ang parating sa bansa ngayong araw.

Ito na ang pangatlong batch ng FA-50PH Aircraft, isang uri ng Fighter Trainer Aircraft na inorder sa South Korea noong panahon pa ng nakalipas na administrasyon.

Lalapag ang mga nasabing fighter jet sa Haribon Hangar, Air Force City sa Clark Air Base, Pampanga.

Ito na ang ika-anim na jet fighter na binili ng PAF sa Korea Aerospace Industries.

May kabuuang 12 fighter jets ang binili ng PAF sa SoKor sa halagang 18.9 billion pesos.