Maagang naabala ang daloy ng traffic sa Nagtahan bridge sa Maynila matapos na tumirik ang isang 22-wheeler na trailer truck.
Ayon sa driver ng truck na si Patrick Vivar, tumirik ang truck dahil nasira ang gear transmission nito.
Ilang beses pang sinubukan ng mga tauhan ng Manila Traffic Bureau na alisin ang truck para hindi ito matagalan sa lugar, pero nahirapan ang two truck na hatakin ito bunsod ng mga kargang bakal.
Bunsod ng nasabing insidente, tatlong linya lamang sa Nagtahan ang nagamit ng mga motorista na patungo ng Maynila.
Partikular na naapektuhan ang mga sasakyang dumaraan sa Nagtahan papunta sa Espanya at Lacson Avenue.
MOST READ
LATEST STORIES