Tatlo katao ang nasawi sa kaso ng pamamaril ng mga suspek na lulan ng motorsiklo sa Cagayan De Oro City kahapon.
Dalawa sa mga nasawi ay mga suspek sa pamamaril sa isang biktima.
Unang napatay ng tatlong suspek ang biktimang si Mawi Sulayman, 28, empleyado ng tindahan ng ukay-ukay sa Daumar-Yacapin St.
Sa imbestigasyon, dumaan ang tatlong suspek na naka-motorsiklo sa harapan ng pinagtatrabahuhang ukay-ukay ng biktima at agad itong pinaulanan ng bala hanggang sa mamatay.
Gayunman, lingid sa kaalaman ng mga salarin, armado rin ng baril ang kasama ng biktima na agad na gumanti ng putok.
Dito na tinamaan ang dalawang suspek na agad ring namatay samantalang nakatakas naman ang ikatlong suspek.
Isa namang bystander ang nasugatan makaraang tamaan ng ligaw na bala.
Inaalam pa ng mga otoridad ang pagkakakilanlan ng mga suspek at motibo sa likod ng pamamaril na hinihinalang may kinalaman ‘rido’ o clan war.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.