Pelikula ng LizQuen, kumita na ng P100M

Kumita na 100 million pesos ang pelikula nina Liza Soberano at Enrique Gil na “My Ex and Whys” sa loob lang ng tatlong araw mula ng ipalabas ito ayon sa Star Cinema.

Nagsimulang ipalabas ang naturang pelikula noong Miyerkules kung saan agad na kumita ito ng 31 million pesos, na siyang pinaka successful premiere ng LizQuen.

Aabot naman sa 69 million pesos ang kinita nito mula Huwebes hanggang hapon ng Sabado.

Malapit na nitong malagapasan ang mga pelikulang “Just the Way You Are” at “Everyday I Love You” na pawang pinagbidahan din ng LizQuen.

Kasalukuyang ipinapalabas sa nasa 300 mga sinehan sa buong bansa ang nasabing pelikula.