Ito ay matapos ang pagtaas ng bilang ng tinatamaan ng sakit sa Barangay Poblacion.
Ayon kay Dr. Glecerio “Jun” Sotea, health officer sa Mlang, hindi bababa sa 50 katao ang tinamaan ng sakit simula lamang noong nakaraang linggo.
Nasuri na aniya ng Regional Institute of Tropical Medicine (RITM) ang blood samples mula sa nasabing mga pasyente at kumpirmadong chikungunya nga ang tumama sa kanila.
Pinangangambahang tumaas pa ang naitatalang kaso ng nasabing sakit dahil marami pa aniyang residente ang nagtutungo sa health center na nakikitaan ng sintomas.
Kabilang sa sintomas ng chikungunya ay lagnat at pananakit ng kasu-kasuan.
Ang nasabing sakit ay nakukuha din sa kagat ng lamok at kadalasang mga may edad ang tinatamaan nito.
Nagsasagawa na ngayon ng fogging ang RHU sa lugar na apektado ng sakit.
Pinayuhan din ang mga residente na panatilihing malinis ang kapaligiran para maiwasan ang pamamahay ng lamok.