Heavy rainfall warning, itinaas ng PAGASA sa maraming lalawigan sa Mindanao

Dahil sa malakas na pag-ulan bunsod ng umiiral na tail-end of a cold front, nagtaas ng heavy rainfall warning ang PAGASA sa maraming lalawigan sa Mindanao.

Sa rainfall advisory ng PAGASA na inilabas ala 1:25 ng hapon, yellow warning level ang umiiral sa Surigao del Sur, Agusan del Sur, Compostela Valley, Davao Oriental, Davao Occidental, Davao del Sur, Davao del Norte, Davao City, Sarangani, South Cotabato at North Cotabato.

Babala ng PAGASA, maaring makaranas ng pagbaha sa mga nabanggit na lalawigan lalo na sa mabababang lugar.

Samantala, ayon sa PAGASA, mahina hanggang sa katamtamang pag-ulan naman ang umiiral sa Misamis Occidental, Camiguin, Lanao del Norte, Bukidnon, Misamis Oriental, Agusan del Norte, Surigao del Norte, Dinagat Islands, Maguindanao, Sultan Kudarat at Lanao del Sur./ Dona Dominguez-Cargullo