Duterte, tanging makakapag-utos sa pagpapahinto ng small town lottery ayon sa PCSO

Nanindigan si Philippine Charity Sweepstakes Office General Manager Alexander Balutan na magpapatuloy ang operasyon nila ng small town lottery sa kabila ng alegasyon na ilegal ito.

Ayon kay Balutan, inirerespeto nila ang opinyon ni House Speaker Pantaleon Alvarez bagama’t aniya hinihiling nila na ikunsidera ng mambabatas na ang mamamayan ang higit na nakikinabang sa mandato ng PCSO.

Giit pa ng opisyal sakaling ihinto nila ang STL operation ay mas mamamayagpag ang mga gambling lords at kanilang mga protektor.

Dagdag pa ni Balutan tanging si Pangulong Rodrigo Duterte lang ang makakapag-utos sa kanila na ihinto na ang STL.