Tugon ito ni Dela Cruz matapos ipag-utos ng Sandiganbayan na siya ay ipaaresto sa kaniya dahil sa kinakaharap niyang 15 bilang ng kasong paglabag sa GSIS Act.
Ang kaso ay may kinalaman sa hindi umano pagre-remitt sa mga bayad sa loan ng mga PHLPost employees sa GSIS.
Si Dela Cruz ay inerekomenda na magpiyansa ng P24,000 sa bawat kaso.
Ang reklamo kay Dela Cruz ay isinampa sa Office of the Ombudsman ni Philippine Postal Corporation (PHLPost) employee Santos Pamatong Jr, matapos na matuklasan na hindi ibinayad ni Dela Cruz ang kanyang loan amortization sa GSIS sa loob ng 15 buwan mula October 2011 hanggang December 2012.
Dalawa pang dating empleyado ng PHLPost na kasabwat ni Dela Cruz ay nahaharap din sa mga nasabing kaso.