Lalaki patay matapos makipag-away sa kasamahan sa Parañaque City

 

Patay ang isang lalaki matapos pagsasaksakin sa Bicutan Market, Brgy San Martin de Porres, Parañaque City.

Kinilala ang biktimang si Edward, alyas ‘Tangkad’ na stay-in sa nasabing palengke.

Pinaghahanap naman ng pulisya ang suspect na si Rico Tino, alyas Bulaw.

Nagtatalo umano ang dalawa sa kung sino ang dapat naglinis sa kanilang tindahan sa palengke.

Lumalabas na napikon ang suspect sa biktima dahilan para pagsasaksakin si Tanglad.

Nagawa pang isugod sa ospital ang biktima, pero binawin rin ito ng buhay.

Nagpapatuloy naman ang imbestigasyon ng pulisya sa insidente.