Biyahe ng MRT dalawang beses nagka-aberya
Dalawang magkasunod na aberya ang naranasan sa biyahe ng Metro Rail Transit (MRT) sa kasagsagan ng rush hour ngayong Biyernes ng umaga.
Sa abiso ng MRT, alas 5:58 ng umaga, nagkaroon ng technical problem ang isa nilang tren at pinababa ang mga pasahero sa Guadalupe Station northbound.
Pinasakay na lamang sa kasunod na tren ang mga apektadong pasahero.
Sumunod namang nagka-aberya ang isang tren ng MRT sa bahagi ng Ortigas Station alas 6:37 ng umaga.
Pinababa din ang mga pasahero sa nasabing istasyon dahil sa naranasang technical problem ng tren.
Kahapon, tatlong aberya ang naranasan sa MRT mula umaga hanggang gabi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.