Patay ang isang lalaki matapos na hindi makalabas sa nasunog nilang bahay sa Barangay Holy Spirit sa Quezon City.
Sunog na sunog ang katawan ng 22-anyos na si Jaypee Nillusguin nang matagpuan ito ng mga tauhan ng Quezon City Fire Department.
Ayon kay SFO3 Rosendo Cabillan, hindi nagising ang biktima dahil sa sobrang kalasingan.
Sa kwarto din mismo ni Nillusguin nagsimula ang apoy.
Sumiklab ang sunog alas 11:39 ng gabi sa Don Primitivo Street, Don Antonio Heights.
Aabot sa 8 bahay ang natupok ng apoy at 12 pamilya ang nawalan ng tahanan.
Maliban sa isang nasawi, mayroon pang isang residente ang nasugatan.
Umabot lamang sa 2nd alarm ang sunog at naideklarang fire out alas 12:26 ng madaling araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.