Balasahan, posibleng ipatupad sa DOLE officials sa Kuwait

Maaaring balasahin ang mga opisyal ng Department of Labor and Employment sa Kuwait matapos ang kawalan ng ugnayan at aksyon sa mga kasong sangkot ang overseas Filipino workers.

Ipinahayag ito ni DOLE Secretary Silvestre Bello III sa isang panayam.

Aniya, nalaman na lamang niya ang pagbitay sa OFW na si Jakatia Pawa mula sa pamilya nito, at hindi sa DOLE sa Kuwait.

Matatandaang noong nakaraang linggo, binitay si Pawa dahil sa pagkamatay ng anak ng kanyang amo noong 2007.

Samantala, ipinag-utos ni Bello sa labor attaches ng Pilipinas sa iba’t ibang bahagi ng mundo na magsumite ng listahan ng mga Pilipinong nakakulong at mga nasintensyahan ng kamatayan.