Nawawala ang isang bangka na may sakay na tatlumpu’t isang pasahero, kabilang na ang mahigit dalawampung Chinese tourist sa Malaysia.
Ayon sa ulat ng Xinhua News Agency, sinabi ng Chinese Consulate General sa Kota Kinabalu na nawalan ng contact ang bangka ilang oras matapos maglayag sa eastern part ng Malaysia.
Umalis ang naturang bangka sa Kota Kinabalu umaga ng Sabado kung saan patungo ito ng Pulau Mengalum Island.
Agad naman nagpadala ng search and rescue ships at helicopters ang Malaysian Maritime Enforcement Agency matapos makatanggap ng tawag kagabi ukol sa pagkawala ng naturang bangka.
Ayon naman sa Malaysian newspaper na The Star, aabot sa dalawampu’t walong turista mula sa China ang sakay ng bangka.
MOST READ
LATEST STORIES