Tinupok ng apoy ang aabot sa 10 bahay sa bahagi ng Dollar Street, Barangay North Fairview sa Quezon City.
Ala 1:19 ng hapon nang matanggap ng mga tauhan ng Quezon City Fire Department ang tawag na sumiklab ang apoy sa isang residential area sa nasabing lugar.
Idineklarang fire out ang sunog bandang 2:03 pm sa residential area dito sa dollar st. Brgy. North Fairview, Qc.
Umabot sa ikatlong alarma ang sunog na sinasabing nagsimula sa bahay ng isang Cris Tusiap, 40-anyos.
Nasugatan naman ang isang Joseph Angelo Refuerso na nagtamo ng 2nd degree burn sa kanyang leeg na agad namang dinala sa pinakamalapit na pagamutan.
Tinatayang nasa 50,000 pesos ang halaga ng mga natupok na ari-arian.
Inaalam pa ng mga otoridad ang sanhi ng sunog.