Retiradong pulis na may-ari ng punerarya kung saan na-cremate si Jee Ick Joo, bumalik na sa bansa

Umuwi na sa Pilipinas ang retiradong pulis na si Gerardo Santiago, may-ari ng Gream Funeral Services kung saan na-cremate ang Korean businessman na si Jee Ick Joo.

Dumating sa terminal 2 ng Ninoy Aquino International Airport (NAIA) si Santiago sakay ng Philippine Airlines flight PR 119 kaninang alas 6:14 ng umaga galing sa Vancouver, Canada.

Sa Pebrero pa sana uuwi ng bansa si Santiago pero napaaga ang pag-uwi niya dahil sa kontrobersiya.

Nakipag-ugnayan umano sa Department of Justice (DOJ) si Santiago para makahingi ng protective custody sa National Bureau of Investigation (NBI).

Hawak na ngayon ng NBI si Santiago.