Mga produkto mula Mexico papatawan ng 20% tax ayon kay Trump

By Dona Dominguez-Cargullo January 27, 2017 - 06:55 AM

AP Photo Dario Lopez-Mills
AP Photo Dario Lopez-Mills
Para matustusan ng Estados Unidos ang pagpapatayo ng pader sa southern border sa pagitan ng US at Mexio, sinabi ni President Donald Trump na papatawan niya ng 20 percent na tax ang lahat ng produktong mula sa Mexico.

Ayon kay White House spokesman Sean Spicer, nais ni Trump na mapag-aralan ang nasabing plano sa ginagawang pag-aaral ng U.S Congress sa tax overhaul package ng bansa.

Kung matutuloy ang pagpapataw ng buwis, sinabi ni Spicer na makalilikom sila ng $10 billion kada taon at matutustusan ang pagtatayo ng pader.

Kahapon, sinagot na ni Mexican President Enrique Peña Nieto ang mga patutsada ni Trump hinggil sa pagtatayo ng pader.

Hindi na rin itutuloy ni Nieto ang nakatakdang pakikipagpulong sana kay Trump sa Washington sa susunod na linggo.

Ito ay matapos banggitin ni Trump sa kaniyang twitter na mas mabuting hindi na lang magtungo sa Washington si Nieto kung hindi naman gagastusan ng Mexico ang pagtatayo ng wall.

TAGS: donald trump, Enrique Nieto, donald trump, Enrique Nieto

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.