SPO3 Ricky Sta. Isabel, nagsisinungaling ayon kay PNP Chief Dela Rosa
Iginiit ni Philippine National Police Chief Director Gen. Ronald Dela Rosa na nagsisinungaling si SPO3 Ricky Sta. Isabel nang sabihini nito na wala siyang kinalaman sa pagdukot at pagpatay sa Koreanong si Jee Ick Joo.
Nakausap ni Dela Rosa si Sta. Isabel nang dalhin ito sa headquarters ng PNP Anti-Kidnapping Group sa Camp Crame.
Sa isang press conference, sinabi ni Gen. Bato na halatang nagsisinungaling si Sta. Isabel nang makausap niya ito dahil puro alibi na ang mga pahayag nito.
Hindi man aniya siya graduate ng Psychology pero alam niya pag nagsisinungalang ang isang tao.
Inilarawan pa ni Dela Rosa si Sta. Isabel na katulad ng isang taong naiipit na kaya gumagawa na lamang ng mga istorya.
Pero sa kabila nito, sinabi ng PNP chief na hindi na siya galit kay Sta Isabel lalo pa ngayon na nakulong na ito.
Una nang itinanggi ni Sta. Isabel na sangkot siya sa kaso ni Jee na dinukot at pinatay sa loob ng Camp Crame.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.