Sanggol, patay sa sunog sa Negros Occidental

Patay ang isang tatlong buwang sanggol matapos sumiklab ang sunog sa kanilang bahay sa Purok Caingin, Barangay III, Pontevedra, Negros Occidental.

Nakilala ang sanggol na nasawi na si Cashe Dema-ala.

Ayon sa inisyal na impormasyon mula sa Municipal Disaster Risk Reduction and Management Office (MDRRMO) natutulog ang bata sa kaniyang crb nang sumiklab ang sunog.

Umalis umano ang ina ng bata at naiwan itong mag-isa sa bahay.

Lumalabas sa imbestigasyon ng Bureau of Fire sa bayan ng Pontevedra na faulty electrical wiring ang pinagmulan ng apoy.