Daan-libong kababaihan nakilahok sa anti-Trump protest
Umabot sa daan-libong mga kababaihan, karamihan kasama pa ang kanilang mga mister at mga anak ang nakilahok sa protesta laban sa bagong-upong pangulo ng Amerika na si Donald Trump.
Pinangunahan ang naturang mga protesta ng mga women activists at ilang celebrities na nagpahayag ng pagkadismaya sa mga anti-women policies ni Trump.
Sa Washington DC, tinatayang umabot sa 200,000 katao ang nakilahok sa Women’s March at halos mapuno ang downtown sa paligid ng White House at National Mall.
Malawakang protest-rally rin sa New York, Los Angeles, Chicago, Denver, at Boston ang sumalubong sa unang araw ni Trump sa puwesto kahapon.
Nakita rin sa kilos-protesta ang sikat na singer na si Madonna at ilan pang personalidad tulad nina Alicia Keys at Scarlett Johanssen.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.