Hustisya para kay Jee Ick-joo, tiniyak ng Malacañang
Tiniyak ng Palasyo ng Malacañang na mabibigyang hustisya ang pagdukot at pagpatay sa South Korean businessman na si Jee Ick-joo.
Sa isang pahayag, sinabi ni Presidential Spokesperson Ernesto Abella na ikinagalit nila ang pagdukot at pagpatay kay Jee, na ginawa pa sa loob ng Camp Crame.
Giit ni Abella, tinitiyak nila na walang mangyayaring whitewash o cover-up sa imbestigasyon kaugnay ng nangyari kay Jee.
Aniya pa, hindi nila kinukunsinte ang mga tiwali, abusado at palpak na pulis na tumatraydor sa Philippine National Police (PNP) at kanilang mga kapwa pulis na tapat na nagsisilbi sa bayan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.