Kapistahan ng Sta Ana, Maynila sinalubong ng sunog

Nasunog ang barracks o tulugan ng mga trabahador ng isang rentahan ng mga traktora sa Sagrada Pamilya St., Sta Ana Maynila.

Nagsimula ang sunog kaninang alas sais singko ng umaga na iniakyat sa 1st alarm at naging kontrolado bandang 6:26 ng umaga.

Dahil dito, naglabasan ang mga residenteng nakatira malapit sa sunog.

Naapektuhan din at nagsilikas ang mga kinakalinga ng Missionaries of the Poor na katabing katabi ng nasunog na barracks.

Pawang mga naka-wheelchair nang inilabas sa bahay ampunan dahil mga nakatatanda at mga batang may Cerebral Palsy ang mga nakatira dito.

Hindi naman nadamay sa sunog ang naturang bahay ampunan.

Nag iimbestiga pa ang arson investigator sa kung ano ang sanhi ng apoy. /