Ilang flights, kanselado dahil sa sama ng panahon

 

Kanselado ang ilang domestic flights ngayong araw ng Linggo (January 22) dahil sa sama ng panahon.

Sa anunsyo ng Manila International Airport Authority o MIAA, kabilang sa mga cancelled flights ay ang mga sumusunod:

– PR 2084/2085 Manila-Basco-Manila (Philippine Airlines)
– 5J 325/326 Manila-Legazpi-Manila (Cebu Pacific)

Sa weather bulletin ng PAGASA, ang low pressure area o LPA ang nagdadala ng pag-ulan sa ilang parte ng Visayas, Mindanao at Bicol Region ngayong araw.

Maulap na may pag-ulan din sa Cagayan Valley Region, Aurora, at Quezon, dahil naman sa northeast monsoon o Amihan.