Isa pa sa mga suspek sa pag-dukot kay Jee Ick Joo, sumuko sa Camp Crame

Kusang nagpunta sa tanggapan ng Philippine National Police Anti-Kidnapping Group (PNP-AKG) sa Camp Crame ang isa sa mga akusado sa pagdukot sa negosyateng Koreano na si Jee Ick Joo.

Ayon kay PNP AKG Director S/Supt. Glen Dumalo, magha-hatinggabi nang sumuko sa kanila si Ramon Yalung, na isa sa pinakakasuhan ng kidnapping for ransom with homicide kasama ng mga pulis na sina SP03 Ricky Sta. Isabel at SP04 Roy Villegas.

Si Yalung ay isasailalim sa mug shot, finger printing at iba pang proseso bago dinala sa PNP Custodial Center sa Camp Crame pagkatapos na isalang sa medical examination.

Una nang sumuko si SP03 Sta. Isabel matapos na maglabas ng warrant of arrest ang Angeles City Regional Trial Court.

Kagabi lang nailipat sa PNP Custodial Center si Sta, Isabel matapos na isailalim sa mug shot, finger printing at iba pa.