Magnitude 4.4 na lindol tumama sa Calayan, Cagayan

Niyanig ng magnitude 4.4 na lindol ang bayan ng Calayan sa lalawigan ng Cagayan kaninang alas 3:59 ng umaga.

Naitala ang pagyanig sa 58 kilometers North ng Calayan.

Ayon sa Phivolcs, may lalim na 21 kilometers ang lindol at tectonic ang origin.

Wala namang inaasahang pinsala sa nasabing pagyanig pero nasundan na ito ng aftershocks.

Alas 4:41 ng umaga nang maitala ng Phivolcs ang magnitude 3.3 na tumama sa 55 kilometers North ng Calayan.

Nasundan pa ito ng isa pang magnitude 3.3 na lindol alas 5:53 ng umaga sa 39 kilometers North ng nasabi ring bayan.