Hindi bababa sa sampung sasakyan, natabunan sa landslide na naganap sa Cebu City

Hindi bababa sa sampung sasakyan ang natabunan sa landslide na naganap sa Sitio Garahi, Upper Busay sa Cebu City.

Naganap ang pagguho ng lupa alas 2:00 ng madaling araw.

Ayon sa mga tauhan ng Bureau of Fire rescue team, walong jeep, dalawang motorsiklo, isang kotse at isang pick-up ang natabunan ng lupa.

Patuloy din ang ginagawang clearing operation sa lugar para maialis ang mga natabunang sasakyan.

Ayon kay Busan Barangay Captain Amelo Lopez, ligtas naman lahat ng driver at sakay ng mga natabunang sasakyan.

Lumambot ang lupa sa bahaging iyon ng Busay dahil sa ilang araw na naranasang pag-ulan.

.