LPA sa Mindanao, nalusaw na rin

Nalusaw na rin ang Low Pressure Area (LPA) na binabantayan ng PAGASA sa East Northeast ng Zamboanga City.

Sa 11AM advisory ng PAGASA, nananatili naman ang pag-iral ng ng tail-end ng cold front na maghahatid pa rin ng katamtaman hanggang sa malakas na pag-ulan sa Visayas at samga rehiyon ng Northern Mindanao at Caraga.

Ayon sa PAGASA, ang ulan mula sa nasabing weather system ay maari pa ring magdulot ng flashfloods at landslides.

Magugunitang kahapon ang LPA sa Visayas na nagpaulan sa maraming lugar sa Cebu ay nalusaw din at nasundan ng panibagong LPA sa Mindanao na nagpaulan naman at nagpabaha sa Cagayan De Oro City.